Um okkur
Allt fyrir skipulagið
Heima & Skipulag er lítið fjölskyldufyrirtæki sem ég (Sóley Ósk) stofnaði árið 2021. Heimaskipulag.is opnaði 10. september 2021 og var eingöngu netverslun fyrsta árið, með áherslu á sniðugar skipulagsvörur sem ekki fengust annars staðar hér á landi.
Ári síðar opnaði ég litla verslun í Ármúla þar sem viðskiptavinir gátu skoðað og keypt vörurnar, en sú verslun varð fljótt of lítil. Í júní 2023 opnaði ég stærri verslun að Krókhálsi 6 og er verslunin enn staðsett þar.
Stærra rými bauð upp á fleiri möguleika og úrvalið fór að batna, með fleiri heimilisvörum og fleiri vörumerkjum. Nafnið Heima & Skipulag er því ekki að ástæðulausu, þar sem planið var alltaf að vera með fallegar heimilis- og skipulagsvörur.
Ég legg mikið upp úr því að bjóða upp á góðar vörur og vera í góðum samskiptum við birgja mína og fyrirtækin sem ég vinn með. Reglulega fer ég erlendis og heimsæki birgjana, spjalla við þá um liðna tíma og það sem er fram undan, skoða nýjar vörur og fylgist með þeirra stefnu.
Markmið okkar er að bjóða upp á framúrskarandi þjónustu. Við erum með mæliborð í versluninni þar sem viðskiptavinir geta komið með innanmál af skúffu eða skáp og raðað á borðið til að finna hið fullkomna skipulag.
Ef viðskiptavinur kemst ekki í verslunina er einnig hægt að senda okkur skilaboð á Instagram og við aðstoðum þar.
Sóley Ósk
Eigandi
